සිතිවිලි සයුර Sithiwili Sayura.......

සිසිල් පවන් සැල් ගත දැවටෙනා.... සිසිල් පිණි පොදින් විකසිත වෙනා.... තුරුලතා මලින් නැහැවෙනා.... සීත මීඳුම් දුහුල් සළු එළනා.... විහඟ ගී නඳින් පිබිදෙනා.... තුරු හිස් ඵලින් බබළනා.... මිහිමඞලේ නව පණ ලබනා.... සිසිල් හැඟුමින් හද විකසිත වෙනා.... සිත පුරා මල් පිපෙන වසන්තය ඇවිදින්.... සිත පුරා මල් සිහින පෙනෙනා වසන්තය ඇවිදින්.... ගත පුරා සිසල විඳිනා වසන්තය ඇවිදින්.... මන බඳන සොඳුරු වස්සානය ඇවිදින්.... කාව්‍ය සංකල්පනාව  - ප්‍රියංජලී මංගලිකා

නහවා සිසිලෙන්.... මිහිකත සැනසෙයි.... තුරු ලිය පිබිදී.... නව පණ ලබලා.... සැම දන සතුටින්.... සියොතුන් නද දෙයි.... නව මල් පුබුදී.... දෙව් සිරි මවලා.... නැටුවා උඩ පැන.... මින් රළ සතුටින්.... වැව් දිය පිරෙනා.... සැටි දැකලා.... සැම සත සනසා.... දෙන වැසි නිබඳා.... මිහිකත නළවා.... නිසි කල ලැබිලා.... පුද දෙමු බැති මල්.... පුරවා අප හද.... නමස්කාර දී.... තුති පුදලා.... පුද දෙමු තුටු පඬුරු.... දෙවිඳේ.... වැසි දෙවිඳේ.... කාව්‍ය සංකල්පනාව  - ප්‍රියංජලී මංගලිකා

වැසි දියෙන් සිසිල් වී.... විකසිත වූ මා මිහිකතේ.... සියුම් මල් පෙති පිපී.... ලස්සනයි මා තුරු ලතා.... පිබිදිලා සිසිල් මඳ නලින්.... විකසිතයි අද මුළු ලොවම.... සියොත් කැළ ගී ගයයි.... සිසිලසින් විකසිතයි.... හිරු එබී බලමින්... ලස්සනයි අද මා අහස.... විගසින් ම පායා එන්න දේදුන්නේ.... විසිතුරු කරන්න අද මා අහස.... පායා එන්න මා දේදුන්නේ.... මේ විසල් අහසට.... කාව්‍ය සංකල්පනාව  - ප්‍රියංජලී මංගලිකා

කඳුළු අතරින් සිනාසී.... දිරි වඩා විරි වඩා... සැම දුක් පසෙක ලූ.... ලොවක් දිනූ ජපන් ලිය ඔබ.... දිවි ජය ගැන්මට.... එක් මගක් නොව.... බොහෝ මං ඇති බව.... අපට පසක් කළා ඔබ.... වැටෙන විට නැගිටිමින්.... ජය පරාජය සමසේ.... දරා ගත්.... ජපන් ලඳ ඔබ.... කඳුළු අතරින් සිනාසුණු.... දුක සැප සමසේ විඳ ගත්.... තම පවුල සමසේ රැක ගත්.... ගැහැණියයි ඔබ.... ඔබේ කඳුල සිනහව.... රැඳී ඇත සියළු දන හදේ.... ඔබෙන් ලද හැකි දේ අපමණය.... ලොවක් ජය ගත් වීරවරියේ.... කාව්‍ය සංකල්පනාව  - ප්‍රියංජලී මංගලිකා

අහර පිසන්නිය විස්මිත රහසින්.... රජු පිනවන්නිය රස අහරින්.... මවිත කළා ඇය.... රස නොබලා පිසු රස අහරින්.... සතුටු කළා සැම.... රජ මාළිගයේ රස අහරින්.... බාධක ආවද.... නොසැලී සිටියා පුදුම ලෙසින්.... ජීවත් වීමේ.... පාඩම පෙන්වා ආදරයෙන්.... දුක් හැම වින්දා.... ජය ලැබුමට ඇය.... රජ මාළිගයේ.... හෙදිය ලෙසින්.... සුවය සදන්නට.... අසරණ දන හට.... ගමට ගියා ඇය.... හිමි සමඟින්.... වෙද ලොව ජය ගත්තා ඇය.... නව සංකල්පයකින්.... දරුවා ලබනා... ගැහැණිය විඳිනා දුක දැකලා.... සුජාත දියණිය ඔබයි චංගුමී.... අපගේ සැමදා හද රැඳෙනා.... ඇයගෙන් ගත හැකි පාඩම් බොහොමයි.... සැම දියණියනේ ඇය නරඹා.... කාව්‍ය සංකල්පනාව  - ප්‍රියංජලී මංගලිකා

මල් කැකුළු වන් මා සුරතල් දුවේ.... මල් කැකුළු වන් මා සුරතල් පුතේ.... හිනැහී සදා මා සනසන් දුවේ.... හිනැහී සදා මා සනසන් පුතේ.... දින දිනේ ලොකු වී.... මතු දා පුතේ.... පාසැල් ගොසින් නුඹ හපනෙක් ම වී.... ඉගෙනීම නිබඳා.... කළදා දුවේ.... මතු දා වාසනා වේ මගෙ රන් දුවේ.... මතු දා වාසනා වේ මගෙ රන් පුතේ.... මා පිය පැතුම් හැම ඉටු කොට සොඳින්.... රට බබළවා, ලොව බබළවා.... ඔබේ නම රන්දා සිරි ලක් බිමේ.... ඔබේ නම රන්දා මේ මුළු ලොවේ.... පා නගන්නට ලොවට මගෙ රන් දුවේ.... පා නගන්නට ලොවට මගෙ රන් පුතේ.... දිරි ලැබේවා ඔබට සැමදා දුවේ.... දිරි ලැබේවා ඔබට සැමදා පුතේ.... කාව්‍ය සංකල්පනාව  - ප්‍රියංජලී මංගලිකා

මන්ද අහසේ බලා හිඳින්නේ.... දුක්මුසු ලීලාවෙන්.... නහවන්න මා.... ඔබේ සිසිල් දිය දහරින්.... පුබුදන්න මා.... ඔබේ සිසිල් දිය දහරින්.... මල් පලින් බරවූ.... හෙටක් දකින්නට.... වහින්න මල් මල් වරුසාවේ..... වහින්න මල් මල් වරුසාවේ..... කාව්‍ය සංකල්පනාව  - ප්‍රියංජලී මංගලිකා