සිතිවිලි සයුර Sithiwili Sayura.......

I am very thankful that you are viewing my blog in 2016. Of-course, the reality is that this accomplishment couldn’t have happened without you, the readers of my blog. When I sit down to write about the ideas or insights I want to share here, there’s always that consideration in my mind of how this can benefit you. With so many wonderful resources and bloggers out there sharing great content and ideas, I want to make sure that readers are happy with their decision to spend some of their time here on my blog. Thank you for spending time to see my blog. And I greatly appreciate your comments & ideas to improve my creations.

I am very thankful that you are viewing my blog. And I would like to say to all my friends that my blog views more than 4K. Thank you for spending time to see my blog. And I greatly appreciate your comments & ideas to improve my creations.

පොකුරු පොකුරු මල් පිපිලා බලන්න මනරම්.... සීත පවන් රැල් සැළෙනා උඳුවප් මනරම්.... දෙව් විමනක සිරි ගෙනෙනා නත්තල මනරම්.... සොඳුරු සිතුම් හද සැළෙනා කාලය මනරම්.... ගෙවූ මිහිරි දින සතුටින් සිහි වෙයි මනරම්.... ලැබු පැරදුම් විඳි දුක් හැම සිහිකර නොසැලෙන්.... පවුලේ සැම මිතුරන් හා ගෙවමින් සතුටින්.... සොඳුරු හැඟුම් හද සැළෙනා කාලය මන‍රම්.... විඳින්න මේ සීත සොඳුරු කාලය මනරම්.... නැවුම් පැතුම් පොදි බඳිමින් දිරි ගෙන සතුටින්.... කාව්‍ය සංකල්පනාව  - ප්‍රියංජලී මංගලිකා

ගෙවුණු වසරෙන් දිරි ලබා.... ලැබූ ජය පරාජයන් අභිමුවේ.... නැවුම් පැතුම් සිත දරා.... පය තබමු නව වසරට සතොසිනේ.... කාව්‍ය සංකල්පනාව  - ප්‍රියංජලී මංගලිකා

හිරුට නැත උපමා හිරු හැර... සඳුට නැත උපමා සඳු හැර... ඔබට නැත උපමා ඔබ හැර... රටට නැත සම්පත් ඔබ හැර... දැයේ සැම දන සතුට සදමින්... ගයා ගී වැල්... වයා සත් සර... රැඟුම් රැඟුවා සතොසිනේ... ලියා පත පොත සොඳුරු විලසින්... මතු කළා කවි පදත් මනරම්... පුබුදුවා රස හැඟුම් දන මන... තුටු කළා සැම සතොසිනේ... කලාකරුවාණනේ අපගේ... ඉටු කළා ඔබ මෙහෙය ඔබගේ... රට දැයට වාසනාවන් සැමදා... උපහාර වේ මේ කවි මල් කුසුම්... ජීවමාන කලාකරුවන්ට මෙය උපහාරයක් ම වේවා! චිරං ජයතු!...... කාව්‍ය සංකල්පනාව  - ප්‍රියංජලී මංගලිකා

ලොවේ අඳුර දුරු වී.... ළහිරු කිරණ ආවා.... නව දිනක් උදා වී.... උදා සිරිය ආවා.... සියොත් ගී අසාලා.... ලොවම අවදි වීලා.... රන් හිරු රැස් පායාලා.... මල් පෙති සිනහා පාලා.... හිරු කුමරුන් ඇවිදිල්ලා.... නව සිතිවිලි පිබිදී.... නව සැලසුම් වඩලා.... දවසම සරු වේවා!.... කාව්‍ය සංකල්පනාව  - ප්‍රියංජලී මංගලිකා 

සංගීත කලාවේ, හෙළ වෙණ තත අද බිඳිලා.... සැමට හොරෙන් ගෙවිලා දුකිනේ.... නළවා අප සැම, බිඳී ගියා ඔබ.... කවුරුන් තනන්නෙ ඔබ වෙණ තත අද දැන්.... නිහඞයි අද ඔබගේ රස ගී සර.... දුකින් හඞනවා ඔබ වෙණ තත අද.... රැව් පිළිරැව් දෙනවා ඔබ ගී නඳ තාමත්.... නළවා, පුබුදා, පිනවා අප දෙසවන්.... විකසිත පෙම් පොකුරු පියුම්.... හන්තානේ කඳු මුඳුන සිසාරා.... ගයන්නෙ කවුරුන් දැන්.... වක්කඩ ළඟ දිය වැටෙන තාලයට.... සන්නාලියනේ සන්නාලියනේ.... ගයන්නෙ කවුරුන් දැන්.... අමයුරු ගී සර නිහඞයි ගී ලොව දැන්.... කවුරුන් එන්නේ දෙව් විමනෙන් අසන්න ගී රස දැන්.... ගීත කලා ලොව ඉකි බිඳිනා හඞ දැනිලාදෝ  දැන් දැන්.... කඳුළැලි ඉනුවා ඇස, හිස කකියා, දුකිනේ හදවත දැන්.... කිරුළ හිමි ගී ලොවේ සැමදා රජුය ඔබ සැමදා.... කිරුළ හිමි හෙළ ගී කෙතේ සැමදා ගොවි රජුය ඔබ සැමදා.... අස්වදා හෙළ ගී කෙතම සැමදා ඔබ දුන්නා බත සැමදා.... සසර වසනා තුරා නැවතත් සැමදා රැක ගන්න අප සැමදා.... හෙළයේ මහා ගාන්ධර්වයාණනි ඔබට නිවන් සුව පතමු! කාව්‍ය සංකල්පනාව  - ප්‍රියංජලී මංගලිකා