සතුට ඉතිරෙන .... දීපවාලී උත්සවයක් වේවා!
අඳුර දුරු වී පහන් දැල්වෙන අාලෝකයෙන් බබළන, සෞභාග්‍යමත්, සිත් පහන් දැල් වී, සතුට ඉතිරෙන .... දීපවාලී උත්සවයක් වේවා! Wishing U & Ur Family a Very Happy & Prosperous Deepawali Festival Day!
Posts
විනාඩි 5ක් ඉන්නකෝ පැටියෝ....
බිරිඳ : විනාඩි 5ක් ඉන්නකෝ පැටියෝ.... ස්වාමියා : විනාඩි 5 ඉවරයිනේ පැටියෝ.... බිරිඳ : පොඩ්ඩක් ඉන්නකෝ පැටියෝ.... විනාඩි 5, විනාඩි 30, පැය 1, ...... වේවි.... ස්වාමියා : විනාඩි 5න් එනවා පැටියෝ.... බිරිඳ : ඉක්මනට එන්නකෝ පැටියෝ.... ස්වාමියා : මම ඉක්මනට එනවා පැටියෝ.... විනාඩි 5, විනාඩි 30, පැය 1, ...... වේවි.... මුලින් ම එන්නේ කවුරුන්දැයි.... විසඳන්නට ඔබ හට බාරයි....
පුදමි තුති මාගේ නිර්මාණයන් රස විඳි, ඔබගේ අදහස් දැක්වූ මා මිතුරු මිතුරියන් සැමට!
I am very thankful that u are viewing my blog. And I would like to say to all my friends that my blog views more than 3k. Thank u for spending time to see my blog. And I greatly appreciate your comments & ideas to improve my creations.
වස්සානය ඇවිල්ලා....
සිසිල් පවන් සැල් ගත දැවටෙනා.... සිසිල් පිණි පොදින් විකසිත වෙනා.... තුරුලතා මලින් නැහැවෙනා.... සීත මීඳුම් දුහුල් සළු එළනා.... විහඟ ගී නඳින් පිබිදෙනා.... තුරු හිස් ඵලින් බබළනා.... මිහිමඞලේ නව පණ ලබනා.... සිසිල් හැඟුමින් හද විකසිත වෙනා.... සිත පුරා මල් පිපෙන වසන්තය ඇවිදින්.... සිත පුරා මල් සිහින පෙනෙනා වසන්තය ඇවිදින්.... ගත පුරා සිසල විඳිනා වසන්තය ඇවිදින්.... මන බඳන සොඳුරු වස්සානය ඇවිදින්.... කාව්‍ය සංකල්පනාව - ප්‍රියංජලී මංගලිකා
පුද දෙමු තුටු පඬුරු.... දෙවිඳේ.... වැසි දෙවිඳේ....
නහවා සිසිලෙන්.... මිහිකත සැනසෙයි.... තුරු ලිය පිබිදී.... නව පණ ලබලා.... සැම දන සතුටින්.... සියොතුන් නද දෙයි.... නව මල් පුබුදී.... දෙව් සිරි මවලා.... නැටුවා උඩ පැන.... මින් රළ සතුටින්.... වැව් දිය පිරෙනා.... සැටි දැකලා.... සැම සත සනසා.... දෙන වැසි නිබඳා.... මිහිකත නළවා.... නිසි කල ලැබිලා.... පුද දෙමු බැති මල්.... පුරවා අප හද.... නමස්කාර දී.... තුති පුදලා.... පුද දෙමු තුටු පඬුරු.... දෙවිඳේ.... වැසි දෙවිඳේ.... කාව්‍ය සංකල්පනාව - ප්‍රියංජලී මංගලිකා
පායා එන්න.... පායා එන්න.... දේදුන්නේ....
වැසි දියෙන් සිසිල් වී.... විකසිත වූ මා මිහිකතේ.... සියුම් මල් පෙති පිපී.... ලස්සනයි මා තුරු ලතා.... පිබිදිලා සිසිල් මඳ නලින්.... විකසිතයි අද මුළු ලොවම.... සියොත් කැළ ගී ගයයි.... සිසිලසින් විකසිතයි.... හිරු එබී බලමින්... ලස්සනයි අද මා අහස.... විගසින් ම පායා එන්න දේදුන්නේ.... විසිතුරු කරන්න අද මා අහස.... පායා එන්න මා දේදුන්නේ.... මේ විසල් අහසට.... කාව්‍ය සංකල්පනාව - ප්‍රියංජලී මංගලිකා
ඔෂීන්....
කඳුළු අතරින් සිනාසී.... දිරි වඩා විරි වඩා... සැම දුක් පසෙක ලූ.... ලොවක් දිනූ ජපන් ලිය ඔබ.... දිවි ජය ගැන්මට.... එක් මගක් නොව.... බොහෝ මං ඇති බව.... අපට පසක් කළා ඔබ.... වැටෙන විට නැගිටිමින්.... ජය පරාජය සමසේ.... දරා ගත්.... ජපන් ලඳ ඔබ.... කඳුළු අතරින් සිනාසුණු.... දුක සැප සමසේ විඳ ගත්.... තම පවුල සමසේ රැක ගත්.... ගැහැණියයි ඔබ.... ඔබේ කඳුල සිනහව.... රැඳී ඇත සියළු දන හදේ.... ඔබෙන් ලද හැකි දේ අපමණය.... ලොවක් ජය ගත් වීරවරියේ.... කාව්‍ය සංකල්පනාව - ප්‍රියංජලී මංගලිකා
සුජාත දියණී.......
අහර පිසන්නිය විස්මිත රහසින්.... රජු පිනවන්නිය රස අහරින්.... මවිත කළා ඇය.... රස නොබලා පිසු රස අහරින්.... සතුටු කළා සැම.... රජ මාළිගයේ රස අහරින්.... බාධක ආවද.... නොසැලී සිටියා පුදුම ලෙසින්.... ජීවත් වීමේ.... පාඩම පෙන්වා ආදරයෙන්.... දුක් හැම වින්දා.... ජය ලැබුමට ඇය.... රජ මාළිගයේ.... හෙදිය ලෙසින්.... සුවය සදන්නට.... අසරණ දන හට.... ගමට ගියා ඇය.... හිමි සමඟින්.... වෙද ලොව ජය ගත්තා ඇය.... නව සංකල්පයකින්.... දරුවා ලබනා... ගැහැණිය විඳිනා දුක දැකලා.... සුජාත දියණිය ඔබයි චංගුමී.... අපගේ සැමදා හද රැඳෙනා.... ඇයගෙන් ගත හැකි පාඩම් බොහොමයි.... සැම දියණියනේ ඇය නරඹා.... කාව්‍ය සංකල්පනාව - ප්‍රියංජලී මංගලිකා
සුරතල් දුවේ.... සුරතල් පුතේ....
මල් කැකුළු වන් මා සුරතල් දුවේ.... මල් කැකුළු වන් මා සුරතල් පුතේ.... හිනැහී සදා මා සනසන් දුවේ.... හිනැහී සදා මා සනසන් පුතේ.... දින දිනේ ලොකු වී.... මතු දා පුතේ.... පාසැල් ගොසින් නුඹ හපනෙක් ම වී.... ඉගෙනීම නිබඳා.... කළදා දුවේ.... මතු දා වාසනා වේ මගෙ රන් දුවේ.... මතු දා වාසනා වේ මගෙ රන් පුතේ.... මා පිය පැතුම් හැම ඉටු කොට සොඳින්.... රට බබළවා, ලොව බබළවා.... ඔබේ නම රන්දා සිරි ලක් බිමේ.... ඔබේ නම රන්දා මේ මුළු ලොවේ.... පා නගන්නට ලොවට මගෙ රන් දුවේ.... පා නගන්නට ලොවට මගෙ රන් පුතේ.... දිරි ලැබේවා ඔබට සැමදා දුවේ.... දිරි ලැබේවා ඔබට සැමදා පුතේ.... කාව්‍ය සංකල්පනාව - ප්‍රියංජලී මංගලිකා