Posts

දින දින ගෙවී.. මගෙ රන් පුතේ..දින දින ගෙවී..මගෙ රන් දුවේ.. ප්‍රතිඵල ඇවිත්.. ශිෂ්‍යත්වයේ....

Image
මල් කැකුළු වන් මා සුරතල් දුවේ.... මල් කැකුළු වන් මා සුරතල් පුතේ.... හිනැහී සදා මා සනසන් දුවේ.... හිනැහී සදා මා සනසන් පුතේ.... දින දින ගෙවී.... මගෙ රන් පුතේ.... දින දින ගෙවී.... මගෙ රන් දුවේ.... ප්‍රතිඵල ඇවිත් ශිෂ්‍යත්වයේ.... ප්‍රතිඵල බැලූ මා දූ පුතුනි.... සතුටින් ද ඔබ දැන් අද දිනේ.... මව් පිය පැතුම් ඉටු කළ සොඳින්.... මා දුව පුතේ තුටු වී සොඳින්.... ගෙන යන්න ඉගෙනීම සැමදා සොඳින්.... ප්‍රතිඵල බැලූ මා දූ පුතුනි.... දුක් වූවදෝ ඔබ දැන් ඉතින්.... ප්‍රතිඵල මදී සිතලා සොවින්.... ඉටුු කළෙ නැතැයි මව් පිය පැතුම්.... ශිෂ්‍යත්වයෙන් ඔබ අසමත් වුවත්.... දිරි ගෙන සිතින්.... හැකි වෙර යොදා.... ඉගෙනීම නිබඳා.... කළදා දුවේ.... ඉගෙනීම නිබඳා.... කළදා  පුතේ.... මතු දා වාසනා වේ මගෙ රන් දුවේ.... මතු දා වාසනා වේ මගෙ රන් පුතේ.... මා පිය පැතුම් හැම ඉටු කොට සොඳින්.... රට බබළවා, ලොව බබළවා.... ඔබේ නම රන්දා සිරි ලක් බිමේ.... ඔබේ නම රන්දා මේ මුළු ලොවේ.... පා නගන්නට ලොවට මගෙ රන් දුවේ.... පා නගන්නට ලොවට මගෙ රන් පුතේ.... දිරි ලැබේවා ඔබට සැමදා දුවේ.... දිරි ලැබේවා ඔබට සැමදා පුතේ.

පුදමි තුති මාගේ නිර්මාණයන් රස විඳි, ඔබගේ අදහස් දැක්වූ මා මිතුරු මිතුරියන් සැමට!

Image
දැනට 12,000 ට වඩා මාගේ නිර්මාණ බලා  රස විඳ  ඇති බව සතුටින් දන්වමි.  ඔබෙන් ලද දිරියන් සුභ පැතුම් ඉතා අගේ කොට සිහිපත් කරමි.  මාගේ නිර්මාණයන් පිළිබඳ යෝජනා චෝදනා දන්වා එවන්නේ නම් මම එය ඉතා අගය කොට සලකමි.  I am very thankful that you are viewing my blog. And I would like to say to all my friends that my blog views more than 12 K. Thank you for spending time to see my blog. And I greatly appreciate your comments & ideas to improve m y creations....

සිත් මල් අහසට.. ඔබ පායාලා.. හිරු කුමරුන් සේ....

Image
සිසිල් වළාවන් අතරින්.. එබිකම් කරලා හොරැහින්.... මා හද සලලා.. ගලා ඇවිත් ඒ හිරු රැස් මාලා.... සැඟවෙන්නේ කෙළෙසද මා දැන්.. ඒ හිරු රැස් අතරින්.... පිබිදීලා මා.. ඒ රන්වන් එළියෙන්.... නහවයි මා ගත.. ඔබ රැස් දහරින්.... විකසිත වීලා.. දිළි දිළි සැලෙමින්.... රන් මල් පිපිලා.. අද හැම පැත්තේ.... සැඟවෙන්නට බෑ.. දැන් නම් පෙර සේ.... සිත් මල් අහසට.. ඔබ පායාලා.... හිරු කුමරුන් සේ.. සිනා සිසී.... නැළවෙන මහදේ.. ඒ රැස් වැදිලා.... සිත් මල් සතුටින්.. විකසිත වීලා.... නැහැවෙමි ඒ.. හිරු රැස් අතරේ.... පිබිදෙන සියුමැළි.. කුසුමන් දැකලා.... කාව්‍ය සංකල්පනාව  - ප්‍රියංජලී මංගලිකා

සතර වරම් දෙවි පිහිටයි පුතේ.... සතර වරම් දෙවි පිහිටයි දුවේ....

Image
බිළිඳු සිනා සුුරතල් මුවේ.... මට සුවඳයි සුවඳයි දුවේ.... බිළිඳු සිනා සුුරතල් නෙතේ.... මට සුවඳයි සුවඳයි පුතේ.... සතර වරම් දෙවියොත් එදා.... රැක්කා පුතුන් මහමායා කුසේ.... බෝ දුක් දරා සිටියා එදා.... සුප්පවාසා සත් වසරක් පුරා.... සුරතල් පුතුන් සුරතල් දූන්.... ලැබිලා මවුන් වේ අද තුටින්.... අහසින් ඇවිත් සඳමඞලින් ඇවිත්.... දෝ මගෙ පුතේ.. දෝ මගෙ දුවේ.... සතර වරම් දෙවි පිහිටයි පුතේ.... සතර වරම් දෙවි පිහිටයි දුවේ.... සිරිමා බෝ, රන්මැලි සෑ පිහිටයි පුතේ.... සිරිමා බෝ, රන්මැලි සෑ පිහිටයි දුවේ.... දුක් සෝ මැඳින්.. සතුටින් ඉඳින්.... නුවණින් වැඩී.. ලොව සුපසන් කරන්.... දහදිය හෙළා.. දිරි ගෙන සිතින්.... රට දැය නගා.. ජීවත් වෙයන්.... කාව්‍ය සංකල්පනාව  - ප්‍රියංජලී මංගලිකා

දෙඅතම අහිමිවයි දිවි මග සරන්නේ.... අඹුදරු රකින මෙහෙවර මේ කරන්නේ....

Image
දෙඅතම අහිමිවයි මෙලොවට උපන්නේ.... කළ පව් තමයි මේ ලෙස මේ ගෙවන්නේ.... සැමදා මෙලෙස වේ ඔහු දිවි ගෙවෙන්නේ.... එළවළු විකුණන්න මේ පිය මනින්නේ.... වවලා බිරිඳ සමඟින් එළවළු නිබඳ.... නෙළලා ගසින් ගස එහි එළවළු සබඳ.... දමලා ගෝනියට ඒවා ගැට ගසා කද.... ගෙන යයි මෙලෙස ඔහු එය පොළ වෙතට අද.... විකුණා එළවළුත් මේ ලෙස දිනේ අද.... ගෙදරට ඕනෑ දේවල් ටික කියපු අද.... දුවටයි පුතාටයි ඕනෑ පොතුත් අද.... ගෙන යයි මුදල් සමඟින් ඔහු සතුට අද.... පියවරු  කෙතෙක්  තව ඉන්නා මෙලෙස ලොවේ.... දෑතම අහිමි වත් තම අඹුදරු රකින ලොවේ.... තම කය වෙහෙසලා සේවය ඒ සදන සුවේ.... නැත සමහර පිය ඇති දෑතම නැත ඒ සේවේ.... දෙඅතම අහිමිවයි දිවි මග සරන්නේ.... අඹුදරු රකින මෙහෙවර මේ කරන්නේ.... ලොවටම වාසනා මේ වැනි පියවරුන්නේ.... මතු අත් භවේ දෙඅතම ලැබ සොඳින්නේ!....   කාව්‍ය සංකල්පනාව  - ප්‍රියංජලී මංගලිකා

පුදුමයි දුටුවොතින් ඔබ ඒ බිළිඳු අද.... කුඩා හිමි නමයි ඒ පන්සලේ අද....

Image
පාළු වීදියේ කසල ගොඩේ පුංචි බිළින්දෙකි, දුකයි අනේ! නෑ කිසි ඇඬුමක්.... නෑ කිසි දෙඩුමක්.... බැල්ලක ඒ අසලින් යන්නේ.... ළංවී සෙව්වා නිබඳව කෑමක්, මේ දැන් දැන්.... දුටුවා බිළිඳු සිරුරේ වෙනසක්, දැන් දැන්.... ළංවී හනික ගත්තා එය.... තම කටට.... දිව්වා හනික.... තම පුතු දුටු මව විලස.... දිව්වේ පන්සලට.... ඒ අසලින් දිවෙන.... නිතරම පිහිට.... නෑ අන් සරණක් මෙමට.... කියමින් දිව්ව.. කිසාගොතමී.... සිහිපත් කරමින් අපට.... බිළිඳුව සෙමින් තියලා බිමට.... මොර දෙන්නට වුණා; තම පුතු මළ ලෙසට.... සැළ කර සිටින්නට වාගේ; මේ පුවත.... වැඩ සිටි හිමි නමක් වැඩියා..  විහාරය.... බලනට මොකද..  පන්සල් බිම විකාරය.... ළං වී හනික..  දුටුවා නෑ විකාරය.... බිළිඳු රැගෙන ඉක්මණට ම.. වැඩියා හිමි සිටි විහාරය.... සුවපත් කළා හැකි ලෙස..  ඒ මොහොතේ ම.... ඉන් පසු ගෙන ගියා..  රෝහල වෙත යාබද ම.... දීලා බෙහෙත් අනෙ ඒ බිළිඳාට.... සුවපත් වුණා බැල්ලට පින් සිදු වෙන්ට.... අද මම පවසලා ඒ දුක්බර පුවත.... සිහිපත් කරමි අගනා ඒ බැල්ල අද.... පුදුමයි දුටුවොතින්

සුරඟන ලොවින් ආවා දෝ මගෙ පුතුනේ....

Image
පැතුමන් ඉටු වෙලා මහදේ හැඟුම්බර.... ආදර සෙනෙහෙ ගඟ ගලලා සෙනෙහෙබර.... මේ සසරෙදිත් හමු වීලා පැතුම්බර.... සිත් මල් යා කළා සතුටින් දයාබර.... හද වේදනා දුරු වී සිත සතුටින් දැන්.... අප ළං වෙලා ආදරයෙන් සතුටින් දැන්.... අප දැන් එක් වෙලා බැඳුමෙන් රන්හුයකින්.... මගෙ ලෝකයම ඔබමයි හිමියනි මේ දැන්.... සුරඟන ලොවින් ආවා දෝ මගෙ පුතුනේ.... සුුරතල් සිනහ හඬ අප දෙහදේ රැඳුනේ.... පුන් සඳ විලස දිලි දිලි අප හද උයනේ.... දින දින ලොකු වෙන්න හනිකම මගෙ පුතුනේ.... පියුමන් පිපී මා සිහිනේ පොකුණු සලා ... කිරි සුවඳින් පිරි පුුතු මුව සිනහ සිලා.... ඒ සුවඳින් අපෙ ලොව අද පහන් වෙලා.... මතු දා වාසනා වේ ආසිරි සෙමෙර සලා.... කාව්‍ය සංකල්පනාව  - ප්‍රියංජලී මංගලිකා